RS. NUAI 14 CHUANG KANG TUARTE TANPUINA HLAN

Get real time updates directly on you device, subscribe now.

April ni 7 zana Champhai Kahrawt Venga in kang tuarte YMA Sub Hqrs Champhaiin vehbur a khawn sak chu nizan hmasa khan hlan a ni.
Kang tuarte tan hian YMA Sub-Hqrs Champhai chuan thuthmun Branch 23 huam chhungah tanpuina Rs. 14,38,440 an hmuh chu nizan hmasa khan YMA Sub Hqrs Champhai chuan Kahrawt khawtlang hruaitute hnenah an hlan.
YMA Sub-Hqrs President F.Lalrinmuana chuan thuthmun Branch te’n thahnem ngai taka kang tuarte tana vehbur an khawn chu lawmawm a tih thu sawiin, Mizote rilruah midang tanpui duhna rilru a la awm reng chu ropui a tih thu leh chhawm nun zel a tul tih a sawi bawk.
Kahrawt VCP F.Laldingliana chuan an vengin chhiat an tawh chungchangah tanpuina an dawn nasat thu sawiin, veng chhung leh pawn lam atanga tha tam tak senga thawk chhuak zawng zawngte chungah lawmthu a sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More