RS. NUAI 1,687.87 CHHIAH ATANGIN LALUT

Get real time updates directly on you device, subscribe now.

Taxation Department, Champhai Zone chuan kum 2021-22 chhung khan Mizoram Sorkar sum bawma lut tur, chhiah an lakluh zawng zawng chu Rs. Nuai 917.95 a ni a. Central Sorkar leh state dang sorkar sum bawma lut tur Rs. Nuai 769.92 an lalut bawk a. Hemi nen hian a vaiin Taxation Department, Champhai Zone hian Rs. Nuai 1,687.87 an lalut a ni.
Hetih lai hian Mizoram Taxation Department-in kum 2021-22 chhunga an sum lakluh zawng zawng chu Rs. Vaibelchhe 894.75 a ni a. Mizoram Sorkar-in an target tura revised estimate-a a siamsak Rs. Vaibelchhe
717.03 chu Rs. Vaibelchhe 177.71 chuangin an khum a ni. Nikumah khan Taxation Department hian Rs. Vaibelchhe 677.83 a ni a.
Nikum aia kumina an chhiah lak khawm a tam zawkna hi Rs. Vaibelchhe 216.92 (32% growth) a ni. Hrileng kara sumdawnna a kal tluan loh ber kuma hetiang taka an chhiah lakluh a pung hi Taxation Department-a thawkte chuan lawmawm an ti hle a.
Rinawm taka chhiah petu sumdawngte leh sorkar hnathawkte bakah kawng hrang hranga anmahni puitute chungah an lawm hle.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More