RT-PCR KHAWL BUN TURIN HMALAK MEK A NI

Get real time updates directly on you device, subscribe now.

Champhai North bialtu MLA Dr ZR Thiamsanga, MOT Chairman ni bawk chuan Champhai District Hospital-a RT-PCR bun turin hma lak mek a nih thu a sawi.
Dr ZR Thiamsanga chuan Champhai District Hospital-a RT-PCR khawl awm tawh chu bun nghal mai tur chuan Rs. Nuai 90 a ngai tih sawiin tunah Rs. Nuai 30 a awm mek a RT-PCR khawl bunna tura pawimawh khawl dang lei mek a ni a ti a. RT-PCR lo bun lailawkna turin Rs. Nuai 25 Chief Minister-in a pawmsak tawh tih sawiin a dah nghehna turin sawrkar laipui atangin Rs. Nuai 90 kan hmu dawn a ni a ti a. Reilote ah hmalak nghal a ni dawn a ti bawk.
Dr. ZR Thiamsanga chuan Champhai District Hospital tih changtlun zel tum a nih thu sawiin a tul chuan ruh lam thiam doctor dah tum a ni a ti a. Hospital tihlen pawh tum mek a nih thu a sawi bawk.
Covid 19 do chungchangah a bial chhunga MNF block hruaitute nena tang hova theihtawp chhuah a nih avangin a bial chhung mipui mangangin an awm lo nia a hriat thu sawiin bial mipui tan theihtawp kan chhuah zel dawn a ni a ti.
A bial chhung fanga Champhaia cham mek Dr ZR Thiamsanga hian nimin tlai khan Champhai Vengsang bazar siamna tur te, Kahrawt Field-a Futsal khelmual siam dan tur te leh District Hospital kawnga leimin te enfiahin a tlawh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More