RT-PCR KHAWL BUNNA TUR SIAM TAN

Champhai District Hospital-a RT-PCR khawl bun turin nimin piah atang khan kutthlak tan a ni.
UNICEF-in ICMR kaltlanga Champhai District Hospital tana RT-PCR khawl a pek chu kum kalta October ni 12 khan
Champhai District chhunga MLA te chuan District Hospital hotute kutah an hlan a. Khawl hi bun nghal mai tura ngaih anih laiin hmalakna a awm thei lawk lova, January ni 17 a Health Minister hova Champhai South MLA leh Health & Family Welfare Board Vice Chairman leh Health Department hotute thukhawmin tunkar chhunga bultan tur an nih thu an sawi hnuah nimin piah January ni 18 atangin bultan a ni a. Hemi chungchangah hian Champhai District Hospital Medical Superintendent Dr. Zatluanga chuan RT-PCR khawl bun lailawkna tur Eye-Ward chu department JE te nen enho niin bungrua te pawh siksawi mek a ni, a ti a, RT-PCR khawl behbawm khawl dang te pawh Champhai lo thleng vat tura beisei anih thu a sawi.