October ni 12 a Champhai District Hospital hnena hlan tawh RT-PCR khawl chu engineer ten side inspection an nei tih loh chu vawiin thlengin bun tura hmalakna dang ala awm rih lo.
October ni 12 khan UNICEF in IMCR kaltlanga Champhai District Hospital
tana RT-PCR khawl a pek chu Law & Judicial Minister Pu TJ Lalnuntluanga, Champhai South bialtu MLA-in District Hospital kutah a hlan a, RT-PCR khawl bun lailawkna tur hian tuna Eye Ward awmna chu ruahman a ni a, TrueNat Laboratory awmna bul chu RT-PCR khawl bun nghehna turin hemi ni hian enfiah
nghal a ni bawk.
Hetihlai hian vawiin ni thlengin RT-PCR khawl bun tur hian hmalakna ala awm rih lova, Medical Superintendent Dr. Zatluanga chuan RT-PCR hi Champhaiah awm tawh
mahse a behbawm khawl dangte Champhai phurh thlen ala ni lo tih a sawi a. RT-PCR khawl bun lailawkna tura ruahman Eye Ward chu tangkai taka hman mek a ni a, khawih danglam ala awm lo tih a sawi bawk.
Dr. Zatluanga chuan RT-PCR khawl hi la bun nilo mahse tun dinhmunah TrueNat khawl 2 leh Extractor 4 awm hmangin sample te endik niin backlog kan nei ngai lo a ti a, sample test kawngah harsatna lian tham kan tawk rih lo a ti bawk.
Comments are closed.