RT-PCR OCTOBER THLA CHHUNGIN BUN FEL TURIN TI

Get real time updates directly on you device, subscribe now.

Nimin-a All NGO Committee Champhai thukhawm chuan Champhai District Hospital-a dah tur RT-PCR khawl chu tun thla chhung ngeia bun fel turin Mizoram sawrkar an beisei tih an sawi.
Nimin chawhma khan All NGO CC chu District Hospital, Champhai-a RT-PCR bun tur chungchang ngaihtuahin Tlangrawta SYMA Office-ah an thu khawm a. YMA Sub-Headquarters Champhai President F. Lalrinmuana kaihruai All NGO CC thukhawm chuan, Champhai District-in RT-PCR khawl a neih theih nan Mizoram Sawrkar leh Champhai District huam chhunga MLA-te hmalakna chu lawmawm an tih thu an sawi a. Hetih rual hian, tun din hmuna Champhai district-a hri kai pun chak dan leh hri len dan thlirin, RT-PCR khawl hi a rang thei ang bera bun fel vat a tul ni-a an hriat thu sawiin, RT-PCR khawl hi Champhai District Hospital Campus-a building awmsaah tun thla chhung ngeia bun felsak turin Mizoram Sawrkar an beisei tih an sawi bawk.
Hei bakah hian nimin thutkhawmah hian, tuna Champhai District Hospital-a TrueNat khawl pahnih awm mek, Quatro khawl chuan Extractor pali a hman theih laiin, a tir atangin Extractor pahnih chauh a chhawm a. Hei hian TreuNAT hmanga sample endik a tih chak theih loh thu sawi lan a ni a. Hei vang hian Mizoram Sawrkar thuneitute chu a rang lama Extractor pahnih ngaihtuahsak turin an ngen nghal bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More