𝗥𝘂𝗶𝗵𝗵𝗹𝗼 𝗺𝗮𝗻, 𝗝𝗮𝗶𝗹 𝗩𝗲𝗻𝗴 𝗩𝗟𝗧𝗙 𝘁𝗲𝗻 𝗿𝘂𝗮𝗻𝗴 𝗰𝗵𝗵𝗮𝗿

Champhai Police-te chuan Rs. 3,50,000 man vel Ruihhlo (Heroin) gram 91 leh a neitua puh mi pahnih an man.
Champhai Police te chuan nimin zing lam dar 12:15 khan Champhai Electric Vengah Heroin Hawng 2 (gram 25), Sahbawn bawma dah leh a neitua puh Lalhmingthanga kum 36, s/o Khuangthuama, Champhai Venglai nia insawi chu an man a. Heroin neitua puh hi ND&PS Act hnuaiah thubuai siamsak niin Champhai District Jail-ah dah luh nghal a ni. Champhai Police te heroin man hi
tualchhunga hralhnaa chhutin Rs. 1,00,000 man vel a ni.
Nimin tlai lam dar 3:15 vel khan Champhai Police te hian Champhai Vengtharah Heroin gram 66, Sahbawn bawm 5-a dah leh a neitua puh Dallamtunga kum 30, s/o Ginkhennanga, Champhai Vengthar nia insawi chu an man bawk a. Heroin neitua puh hi ND&PS Act hnuaiah thubuai siamsak niin vawiin hian Champhai District Court-ah hruai a ni ang.
Champhai Police te heroin man hi tualchhunga hralhnaa chhutin Rs. Nuai 2,50,000 man vel a ni.
Hetihlai hian, nimin tlai lam dar 4:05 vel khan Champhai Jail Veng VLTF te chuan an veng chhung kawngpui sirah ruang chhar a ni tih Champhai Police te hi an hrilh a. Champhai Police te hian hemi chungchang hi rang takin an bawhzui nghal a. Champhai Police hotute hnen atanga thu dawn danin, Lalchhuankima kum 27, s/o Sangkhuma, Keifang khua ruang a ni tih finfiah a ni a; a thih chhanah hian midang kut tuar emaw rinhlelh tur awm lovin, ruihhlo overdose a nih rin a ni a.
Ruang hi a tul angte enfiah leh buaipui fel a nih hnuah a chhungte hnenah an hlan tih thu kan dawng.