Champhai Police te’n Heroin Hawng 17 leh a neitua puh mi 3 an man.
Nizan hmasa Dar 8:30 khan Champhai Police-te chuan Champhai Police Check Gate Khankawnah Zokhawthar leh Aizawl inkar Service, Maxi Cab pakhata chuang Thanghnuna, Zokhawthar khua nia insawi hnen atangin Heroin Hawng 7 (Gram 85 a rit) tualchhung hralhnaa Rs. Nuai 3 leh Sing 5 hu an man a.
Nimin khan Melbuk daiah Zonuntluanga, Khawmawi, Myanmar leh Lalrinsiama, Zokhawthar khua nia insawi te hnen atangin Heroin Hawng 10 (Gram 129) tualchhung hralhnaa Rs Nuai 5 hu an man a. Heroin neitua puh mi 3-te hi ND&PS Act tlawh chhanin thubuai siam sakin District Court-a hruai an nih hnuah District Jail, Champhai-ah dahluh nghal an ni. Ruihhlo an man hi a vaiin tualchhung hralhnaa chhutin Rs. Nuai 8 leh Sing 5 hu a ni.
Comments are closed.