Ruihhlo Nuai 100 chuang man halral

Minister TJ Lalnuntluanga chuan, ruihhlo ti thin leh a zuarte chu anmahni an inhmangaihna thinlung an put vang a ni a, ruihhlo umbo-a, hmetmit tur chuan hnam hmangaihna, Mizo Nationalism tuh nun thar hle a tul a. Miin hnam hmangaihna leh veina tak tak rilru a put a, hnam hmangaihna thinlung a put tlat

chuan ruihhlo bawi-ah a tang hman lo a, a buaipui hman lo a. Ruihhlo do hi ram leh hnam indona a puan leh hmalak a tul a ni, a ti. Sawrkarin ruihhlo ngaite enkawlna tha pek a ngai pawimawh tih sawiin,

enkawlna hmunte chu thiam thil zirna leh nun kaihruai thei zawnga buatsaih thiam a tul tak zet a. Chhungkaw tam taka buaina thlentu, khawtlang leh rama innghirnghona leh raltitna thlentu ruihhlo do

kawnga theihtawp chhuah a ni chu lawmawm a tih thu sawiin, mahni tanghma hai hauh lo leh hrehawm pawisa lova beitute chu fakawm a ti a. Ruihhlo beihletna chu theihtawp chhuaha thlawp tlat a tum thu

sawiin, mahni phak tawk theuha penchhuaka thawkho turin a sawm nghal a ni.

Bawrhsap Maria CT Zuali chuan thalai tam tak suattu ruihhlo man a nih theihna kawnga theihtawp

chhuah thintu Police-te leh YMA te chu fakawm a tih thu leh, tha thlah lova tang mar chhunzawm zel turin a fuih a. Ruihhlo laka fihlim tura sorkar hmalakna Nasha Mukht Bharat kaltlanga zirtirna zau zawk kalpui tum a nih thu leh, damdawi nghei theihna tura Satellite Opioids Substance Therapy kaltlanga hmalak a ni tih a tarlang bawk a. Bawrhsap chuan ramngaw leh nungcha humhalh a tul thu sawiin khaw

kar kawngah amah ngei pawhin sava vehna Silai 3 a man tawh thu leh halral tur zingah telh a ni tih a sawi.

Champhai SP Rex Zarzoliana Vanchhawng chuan ruihhlo do beihpui, Anti Drug Drive neih mek denchhena ruihhlo hal hi buatsaih a ni tih a sawi a. Ruihhlo do kawngah chak lehzuala hma lak thar an

tum tih sawiin, dan leh thupek kenkawh bakah ruihhlo do a theihtawp chhuah in, ruihhlo chu a kalna tur lam thlir lovin an vai hma zel dawn tih a sawi bawk.