Champhai Police-te chuan niminpiah khan Champhai leh Aizawl inkara tlan thin, Maxi Cab Service pakhat atangin Heroin Hawng 58, Gram 705 a rit chu a neitu awm lovin an man a. Champhai Police te hian a neitu hi zawng zui nghalin CCTV-in a lakfuh atangin Maxi Cab-a hlangtu Zothansangi, New Champhaia cheng nia insawi chu nimin khan an man a, ND&PS Act hnuaiah thubuai siamsak nghal a ni.
Champhai Police ten Heroin an man hi tun hnai kum 3 chhunga tum khata an man tam ber tum niin, Rs. Nuai 29 hu a ni a. Kumin August atanga September thla chhung khan Champhai Police te hian Heroin gram 1490, Rs. Nuai 57.5 hu leh Methamphetamine mum 9400, Rs. Nuai 26.32 hu an man tawh a ni.
Comments are closed.