Nimin chawhnu dar 3:45 vel khan Champhai Police te chuan Champhai leh Zokhawthar inkar kawng, Hringlangtlang pengah beihpui thlakin, motor pakhat Alto Car, Regn. No. AS 10B – 1467 atangin Methamphetamine mum 40,000 an man.
He lirthei khalhtu Abdul Mukid (30) s/o Abdul Rahim, Baraigram, Karimganj District, Assam chu an man bawk a. Ruihhlo an man hlut zawng hi tualchhung hralhnaa Rs. Nuai 120 man vel ni a chhut a ni a. Ruihhlo leh a neitu-a puh hi dan ang a man nghal niin, Champhai PS ah thubuai Case No. 8/21 dt. 22.2.2021 u/s 22 (C) / 29 ND&PS Act ziahluh nghal a ni.
Kar kalta Zirtawp zan dar 11:00 vel khan Excise & Narcotics Enforcement Staff, Champhai chuan Mualkawi dai, Zokhawthar kawngah Heroin Hawng 2 (25.4gms) leh a phurhna Auto-Rickshaw an man a, ruihhlo neitu ni a rinhlelh Hmangaihzauva (35) s/o J Thangbawiha, Chhungte, Champhai District chu an man bawk a. NDPS Act’85 hnuai-ah thubuai ziahluh a ni a, Champhai District Jail-ah dah luh a ni.
Comments are closed.