Ruihhlo Rs. Vbc 7 chuang man

Get real time updates directly on you device, subscribe now.

Champhai District Excise & Narcotics Department chuan nikum chhung khan Zu leh ruih hlo vaibelchhe 7 chuang man an man.
Champhai District Excise & Narcotics Department chuan nikum (January atanga December thla) chhung khan Heroin Gram 3571.466 leh Methamphetamine (Meth) Mum 349,800 an man bakah Rakzu Litre 696 leh Zu bilhlai Tin 974, Myanmar Zu BEDC Litre 915.100, Beer Can 4240, Beer Um Sap Zu Um 127, Apple Juice Um 2976, Grape Juice Um 882, Dawidim Kg 8.750 leh Ganja Kg 1.556 an man.
Champhai District Assistant Commsisioner Pu B. Zoliana chuan tunlai hian Myanmar ram atanga ruihhlo lo lut, abikin Heroin leh Methamphetamine (Meth) hi tunhma lam aia a tawlhluttute an fimkhur avang leh Champhai District chhungah ramri kana ruihhlo tawlhluhna khan/kawng a tam vangin a hlawm lian tham man a khat deuh tawh thu a sawi bakah kum kalta chhungin COVIC-19 hripui leng vengin ruihhlo tawlhluh pawhin a khaihlak phah ve ni a a hriat thu a tarlang a. In biak pawhna a that tawh vangin ruihhlo tawlhtu, ram pawn leh ram chhunga mi thawkhote ruahmanna fel tak an duan ve thin avangin ramri hrulah Excise & Narcotics Force thahnem zawk inzar pharh atul thu leh min run mektu ruihhlo hluar zel tur venna kawngah khawtual mite nen thawhhona tha tak neih chhunzawm zel a pawimawh thu a sawilang bawk.
Heroin leh Meth bikah tunhma aia tualchhung hralhna man a san zawk thu Pu B. Zoliana chuan sawiin, Heroin Hawng khat hi Cheng Singnga man vel anih thu leh Methamphetamine (Meth) mum khat hi cheng 130-250 inkar vela hralh anih thu a sawi a. Kum kalta chhunga Ruihhlo bakah Zu leh a kaihhnawih an man hlut zawng hi cheng vaibelchhe 7 chuang man vel a nih thu a sawi bawk.
Champhai District Excise & Narcotics Department chuan Zu leh ruihhlo kaihhnawih-ah lir thei 10 man telin, ND & PS Act tlawhchhana mi 69 an man zinga mi 57 lakah thubuai ziahluh anih bakah MLP Act tlawhchhanin mi 58 an man a. Thubuai 169 ziahluh a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More