Champhai Police Chalbawiha Junction Khankawn Police Checkgate duty-te chuan Liquid Acetone ni ngeia hriat, litre 6880 (plastic container 43) chu truck pahnih atangin an man.
He thil kang duh leh hlauhawm tak (Acetone) hi safety measure awm mumal lova phurh niin, dan lova Myanmar lama tawlh luh tur nia rin a ni.
He thilah hian lirtheia chuang Sakhawdika, Edenthar, Aizawl ni-a inchhal leh Benedict F.Bapui, College Veng, Kolasib nia inchhalte chu man an ni.
Champhai PS Case u/s 285/336/34 IPC r/w 23 Petroleum Act ziah luh a ni a, Acetone hi ruihhlo hlauhawm hrang hrang, tha lo tak tak siam chhuahna hmanrua pakhat a nih avangin International Narcotics Control Board (INCB) RED LIST-ah a tel a ni.
Comments are closed.