RUL CHUK AVANGIN NUNNA CHAN

Get real time updates directly on you device, subscribe now.

Nimin zinglam dar 5:15 bawr khan Khuangthing khaw pa, Pu Hrangchhunga Kum 63 chu a nupui nen an zing mei chhem tur tap bul thutthleng hnuai a Rul Chawngkawr nia hriat lo awm chuan a ke dinglamah chukin hemi hnuah a kutah chuk leh a, Pu Hrangchhunga hi Khawbung PHC panpui a niin chhan hman a ni ta lo a ni. Vawiin ah Khuangthing thlanmualah vuiliam a ni.
Pu Hrangchhunga chuktu Chawngkawr hi feet 6 leh inches 3 a sei a ni a, nimin khan Champhai DFO Pu Lalduhthlana leh a staff te chuan he thil thleng enfiah turin Khuangthing khua an pan nghal a, DFO chuan Pu Hrangchhunga vanduaina tawh chu pawi a tih thu leh an department pawhin lusun chhungte an tawrhpui thu a sawi a. Forest Department chuan Pu Hrangchhunga Chawngkawr-in a chuk hlum avangin zangnadawmna an hmuh ngei theih nan hma an lak tur thu an sawi bawk.
DFO staff te hian Pu Hrangchhunga ralna atan Rs. 10,000/- an hlan a, Khawbung RO leh staff te pawn ralna apn hlan ve bawk a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More