Champhai district thendarh a nih hma, Undivided Champhai District chhungah Covid 19 hridanna la thei tur zat atanga chhutin za zela 91.07 hnenah hridanna hi pek an ni tawh.
Undivided Champhai District chhungah Covid 19 hridanna pek chhuah chhunzawm zel a ni a. Nimin thleng khan Champhai District chhungah hridanna dose 1-na hi mi 72,836 pek tawh niin dose kima la hi 57,307 an awm tawh a, hridanna dose 1-na la atanga chhutin za zela 78.67 te’n dose kimin an la tawh a ni.
Undivided Champhai District chhungah hian CMO Office chhinchhiah danin, hridanna la thei tur hi mi 79,971 an awma chhut a ni a, za zela 91.07 pek chhuah a ni tawh a. Hridanna la la lo hi 7,135 ( Za zela 8.9) an awm a, hridanna la duh lo hrim hrim hi 3376 awmin an zinga tam zawk hi chu Sakhuana avanga la duh lo niin, inchiu hlau an awm ve bawk a, Dose khatna la zet tawha dose kima la duh lo hi 257 an awm bawk.
Health Care Worker dose-1 na la 1089 zinga 1043 te chuan dose kimin an la tawh a, Frontline Worker dose 1-na la 1694 zinga 1630 te’n dose kimin an la tawh bawk a. Kum 18 atanga kum 44 inkar dose 1-na la 43,649 zinga 30,529 te chuan dose kimin an la tawh a. Kum 45 leh 59 inkar dose 1-na la 13,098 awmin dose kima la hi 14,058 an awm a. Dose kima la an tam zawkna chhan hi district danga dose 1-na la, Champhai District-a dose 2-na la zui ta an awm vang a ni. Kum 60 chunglama dose 1-na la 13,306 zinga 10,047 te’n dose kimin an la tawh a; Champhai District chhunga raltlan te a theih ang angin hridanna hi pek an ni bawk.
Comments are closed.