Vangtlang Branch YMA, Tuipui luia Duty-te chuan Sihpui luia Sangha fuante chu him takin an fuan tir.
Vangtlang Branch YMA chuan na ram chhung Tuipui lui, Sihpui luiah Sangha fuan vengin an duty a. Thawhlehni zan khan Sangha hi fuanin tun tuma Sangha fuan hi Qntl 1 vel nia rin a ni. Duty te hian mihring leh ramsa te’n Sangha fuan tur an tih buai lohna turin an veng thin a ni.
C.Lalhmachhuana, Vangtlang Branch YMA President chuan kum tinin Sangha fuan hun laiin ni tin mi 2 Duty tur inruat chhuakin nghafuan hi an veng thin tih a sawi a, Lui dunga nungcha te humhalh a nih atangin an ram chhung chin Tuipui luiah sangha an pun belh nasa hle tih a sawi bawk. Oct. ni 10 – Dec. ni 18 chhung hian sangha man khap a ni a; dan zawm lo chu thla 3 lung in tan emaw, Rs. 5000 emaw, a pahniha hrem theih a ni.
Comments are closed.