Tuipui Tlawhchhan Jt YMA Committee te chuan kum 2022 October thla chhunga sangha him taka an fuan theihna atan October thla chhung chu enghmanraw hmang maha lui kal lo turin mipui an ngên.
Tuipui tlawhchhan khaw hrang hrang – Sailulak, Leng, E Lungdar, Biate, Riangtlei, Bungzung, Khawbung, Zawlsei leh Khuangthing Branch Joint YMA Committee chuan kum danga an hmalak tawh thin angin kumin 2022 sangha fuan hun chhung October ni 1 atanga October ni 31 thleng khi eng hmanraw hmang maha Tuipui Luidung nungcha man lo turin mipui an inngên thar leh a. Kum kal taah mipuiten an ngennate an ngaih pawihmawhsak avangin lawmawm an tih thu an tarlang a. Jt YMA Committee te hian kum 13 chuang humhalh tawhin, luidung nungcha pawh zawi zawiin a pung zel nia sawiin “Ram ngaw leh luidung nungcha humhalh a, dim dawih taka enkawl chu chhuan lo kal leh zel tura an tu leh fate ten chenna tlak khawvel an siam theihna kawng pawimawh tak a nih thu inhrilh thar lehin, Branch tinte’n theih tawp chhuah turin an inngen thar leh a ni. Sanghafuan thlalak neite chu sumfai leh thu ziak hlan an rel bawk a ni. Hetih rual hian YMA Branch hrang hrangte chuan anmahni khaw ram chhunga luidung sangha man lo turin thu an chhuah bawk a ni.
Comments are closed.