SANGHA TAM ZAWK NEI THEI TURIN HMUN NEITHA

Get real time updates directly on you device, subscribe now.

Financial Year 2022-2023 chhunga Centrally Sponsored Scheme, Pradhan Mantri Matsya Sampada Yojana kaltlanga Champhai District-a Sangha khawi tihhmasawnna tura ruahmanna duan lawk chu nimin chawhnu khan Bawrhsap Maria CT Zuali hovin DC Conference Hall-ah, ngun taka ngaihtuaha zirho a nih hnuah Champhai District Fisheries Action Plan for Financial Year 2022-2023 chu pawm a ni.
Bawrhsap Maria CT Zuali chuan, Financial Year 2022-2023 atana Champhai District Fisheries Action Plan peihfel a ni chu lawmawm a tih thu sawiin, Sangha tam zawk thar chhuak thei tura theihna nasa tak nei, Champhai District-ah Sangha thar chhuah tam leh sawngbawl kawnga tanlak a tul hle a ni, a ti a. Sangha khawitute chu tam zawka thar chhuak thei tura tan la sauh sauh tur leh mithiam zawkte rawn hrehlo turin a chah a ni.
He hunah hian Lalhmunsanga, DFDO Champhai chuan Action Plan buatsaih a nih dan leh ruahmanna siam tlangpuite a sawifiah a. Pradhan Mantri Matsya Sampada Yojana (PMMSY) kalpui turin sawrkar lamin senso za zela 60 leh mimalin senso za zela 40 an tum thin tih a sawi a. Sawrkar sen ngai atanga za zela 90 chu Sawrkar laipui tum tur niin, za zela 10 chu State sawrkar tum tura tih a ni, a ti.
Champhai District Fisheries Action Plan 2022-2023 ruahman dan chuan hmalakna tura ruahman atanga senso ngai zat Total Project cost hi Rs. Nuai 262.49 a ni a, Cluster Based Location anga kalpui tum niin Dil thar Hectare 10 a zau siam nan Rs. Nuai 124 ruahman a ni a.
Khungleng, Leisenzo, Sesih, Tualcheng, Hnahlan Lailiphai-te chu hmalakna tura tin zawn chhin a ni a. Sangha note khawina Hectare 10 a zau siam nan Rs. Nuai 110 ruahman chhin niin, Champhai zawl, Tlangsam, Zotlang, Mualkawi leh Ruantlang-te chu hmalakna tura tin zawn chhin a ni. Sangha leh buh emaw, ran emaw enkawl kawpna kalpui nan ram Hectare 25 a zauah Rs. Nuai 25 senga hmalak tum a ni a, Champhai Town Area-a WRC Area chu hmalakna tura tin zawn chhin a ni bawk.
DFDO Champhai District enkawl Champhai leh Khawzawl District-ah Sangha khawi 1810 inziaklut an awm a. Sangha Dil Hectare 493.75 a zau an enkawl mek a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More