SANGHAL PACHAL THI A HMUH A NI

Get real time updates directly on you device, subscribe now.

Samthang Zopui Phul atanga chhim lam kilometer 1 velah ASF vanga thi ni-a rinhlelh Nghalchang
(Sanghal pa) thi hmuh a ni.
Samthang rama Sanghal thi hi hmuh a nih veleh Samthang khawtlang hruaitu te’n Khawbung Forest Range leh Champhai District AH & Vety department hotute an hriattir a. Anni hian a hmunah kal chilhin Sanghal thi hi eng vanga thi nge tih enfiah turin a tul ang an tihfel hnuah a bulah uluk taka phum nghal a ni. Champhai AH & Vety atangin sanghal thi enfiahtu Dr. PL Lalruatfela chuan a thih chhan zirchiang turin sample a la a. RO T.Laltlanhlua, Khawbung Range chuan Samthang ramah hian tuna mi hma hian sanghal thi hmuh ni tawh mah se, a tawih ral deuh vek tawh avangin tuna mi hi a hmuna an enfiah hmasak ber niin a sawi a. Khawbung leh a chheh velah hian vawk pul hri, ASF chu kumin kum tir lam atanga hluar kha sanghal-in an kai chhawng a
nih an rin avangin enfiah turin AH & Vety lam phungbawmah an sawm tih a sawi.
Samthang VCP Lalrintluanga sawi danin, Sanghal hi kar hnih kal ta vela thi tawh ni-a rin a ni a, a ruang bawihsawm a nih lai hian a rimchhe hman tawh a ni. Tunlai hian Tuipuiral huam chhung khaw hrang hrangah vawk pul hri, ASF a leng nasa hle a. He sanghal lian tak thi ta pawh hi ASF vanga thi a nih leh nih loh hriat ni lo mah se, Samthang khua leh a chhehvel khaw thenkhatah chuan Sanghal thi tlaw chhar a nih zeuh zeuh avangin, tun tuma Sanghal thi pawh hi ASF vanga thi ni-a ngai an tam hle niin Samthang VCP Lalrintluanga chuan a sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More