SAVAWMIN MI 2 SEH

Get real time updates directly on you device, subscribe now.

Inrinni tlailam dar 3 leh dar 4 inkar vel khan Panliana(56) S/o Lalkungi leh Lalrithanga (57) S/o Liandinga Mualkawi khaw te chu Mualkawi khaw hlui, Khawtinnghawr ramah Savawmin seh in Champhai District damdawiin ah enkawl mek an ni.
Thudawnnain a sawi danin he mite pahnih hi Mualkawi rama Maubuang chulramah chawhmeh la- in Inrinni chawhnu dar 1:00 velah Mualkawi khua atangin an kal chhuak a, an lo haw lam chu chawhnu dar 3:00 pelh hretah kawngthlang atanga Savawm lo chhuak chho chuan an pahnih hian a bei ta a, an hmui, hmai leh ke-ah te hliam an tuar a ni.
Savawmin a sehna hmun atang hian an chhungte Mobile Phone hmangin tawhsual an tawh thu an hrilh a. An chhungte hian va hruai nghalin Champhai District Hospital panpui an ni ta a ni.
Mualkawi ram chhung-ah hian tunlai hian hmun thenkhatah Savawm ram tla an hmu thin niin thu dawnna chuan a sawi bawk.
Hliam tuarte hi Pathianni tlai khan Champha DFO Lalduhthlana leh Champhai District Honorary Wildlife Warden Lalhlupuia te’n Champhai District Hospital-ah Rs.5,000/- ve vein an kan a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More