Sawrkar hmalakna hrang hrangte thlir ho

Get real time updates directly on you device, subscribe now.

Champhai District-ah PMKSY) ‘Har Khet Ko Pani’ scheme hmangin MIP 7 kalpui mek a nih bakah a vawikhat na’n Ground Water Irrigation Scheme kaltlangin leihnuai verh hmanga tuilakna tur project 4 kum thar atanga kalpui tan tum niin, hmun hnihah lei verh chhin a ni tawh.
Nimina Champhai DC’s Conference Hall-a District chhunga Central sawrkar sum hmanga hmasawnna hnathawh hrang hrang enzuitu, District Development Coordination & Monitoring Committee (DDCMC/DISHA) thutkhhawmah hei hi tarlan a ni a. He thutkhawm hi an Chairman, Lok Sabha MP C.Lalrosanga chuan a kaihruai a. TJ Lalnuntluanga MLA, Champhai South A/C, Dr. ZR Thiamsanga MLA, Champhai North A/C leh Ramthanmawia MLA, East Tuipui A/C leh Champhai DC Maria CT Zuali te pawh an tel a ni.
MP C.Lalrosanga chuan ruahman lawk ang a DISHA meeting a takatihhlawhtlin a ni thei chu lawmawm a tih thu sawiin, sawrkar laipui scheme pawimawh tak takte chu tha
taka kalpui a ni em tih hi sawrkar laipuiin a ngaihven reng a, chak zawka kalpui tur chuan line department hrang hrangte thawhho thiam a tul a ni, a ti. A taka thawktu Official te’n an hnathawh dan chiang taka an sawifiah leh inhriatpuitawn tura inrawnkhawmna buatsaih chuan rah tha tak a chhuah theih avangin DISHA meeting
chu ngaihpawimawh thin a ni a. Committee pawimawh tak a nih avangin district tana
hnathawh leh hmachhawp siam kawngah kawngro a su thui hle a ni, a ti. Sawrkar department hrang hrangte hunbi ruata hnathawh zo hman tum tura chahin, an rawngbawlsak mipui tana theihtawp chhuah turin a fuih nghal a ni. He thutkhawma tarlan
dan chuan, MGNREGA hnuaiah kum 2020-2021 chhungin Job Card nei 29,869 hnenah November thla thleng khan ni 80 inhlawhna siam a ni a. April 2017 atanga kalpui tan
Pradhan Mantri Awaas Yojana-Gramin, PMAY-G (Rural Housing Scheme) hnuaiah mi 287 te hnenah insak tanpuina pek niin, In 234 sak zawh tawh a ni a. District chhunga
Pradhan Mantri Krishi Sinchayee Yojana (PMKSY) pasarih kalpui zinga 1 la thawh chhunzawm mek niin, 2 zawhfel tawh a ni a, 4 dangte tawpsan rih a ni. PHE Department hmalakna Jal Jeevan Mission (JMM) hmangin district chhungah tuilakna khaw 15 tan siam a ni a, 11 te zawh tawh niin, 4 dangte thawhna tur fund hmuh fel tawh a ni.
PWD hnuaiah Pradhan Mantri Gram Sadak Yojana (PMGSY) kawng 21 awm meka 10 te
zawhfel tawh a ni bawk. Meeting chuan chak zawka PMGSY kawngte thawh a nih
theihna turin Bawrhsap hova enzui thin ni se. Optical Ground Wire (OPGW) kaltlanga inbiakpawhna lama harsatna awmte sutkiana hmalak a nih theih dan turte ngaihtuah ni se tih a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More