SAWRKAR-IN AW A NEIH HMA CHU DAN CHHUNZAWM ZEL TUM

Get real time updates directly on you device, subscribe now.

Champhai District Lirthei Inzawmkhawm Pawl chuan Myanmar atanga dan lova bungraw lut tur an la dang chhunzawm zel a, Sorkarin aw a neih loh chuan tiamchin awm lovin an la dang chhunzawm zel dawn tih an sawi.
CPDLIP President Liantluanga chuan, Mizoram sorkar thutlukna chu an ngaihchan ber a nih thu sawiin, an thil phutte sawrkarah an thlen tawh thu leh vawiinah thlen nawn leh an tum tih a sawi a. Sorkarin aw a nei lo a nih chuan tiam chin awm lovin bungraw lut leh chhuak tur hi dan chhunzawm zel a nih tur thu sawiin, vawiin hian an kal leh zel dan tur ngaihtuahin an thukhawm dawn tih a sawi bawk.
CDPLIP hian ramria insumdawn tawnna dan ang taka zalen taka a kal theihna tur leh, Champhai Kudama Kuhva rah chhek khawlsa te Vairengte thlenga zalen taka phurh ngiatin, tun thla ni 16 atang khan bungraw lut leh chhuak tur hi an dang a. Hmun 16-ah Duty insiamin an duty mek a, CDPLIP chuan dan lova bungraw lut an hmuhte chu thuneitute hnenah an hlan zel tawh dawn tih an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More