Champhai District chhungah sawrkar sikul leh Health Sub-Center chhia, luah loh leh thawm that ngai a tam hle.
Hemi chungchang zawhna chhangin Champhai District Bawrhsap Maria CT Zuali chuan, school leh building chhiate chu a sak tha tawk lo leh vilzui lem lohte a ni tlangpui, a ti a. Sorkar atang chuan a sakna tur leh enkawlna tur chu tha taka pek chhuah a ni
a; mahse, a sak leh vil zui lama hmalakna mumal awm lo avanga chhia nia a hriat thu a sawi.
Heng building chhiate hi Covid-19 hri leng leh inkharkhip avangin a la tlawh chhuah theih loh avangin kimchang zawka hriat a la ni lo va. Mahse tuna hriat theih chinah chuan zirna inah hian Champhai khawpui chhunga mi tih loh chu thawm that ngai deuh vek a ni a. North Diltlang, Vaikhawtlang, Khuangphah leh Vanzau te chu a chhe zual niin, Thekte a mi chu sakthat a ni tawh a. Zokhawthar Middle School, lirnghingin a tichhiat pawh thawm that lohvin a la awm tih Bawrhsap
chuan a sawi.
Health Sub-Center building zingah chuan Ngur, Vapar, Selam leh Vaikhawtlangte chu a chhe zual nia sawiin, mipui mamawh zualte chu Disaster Fund atangin thawm that a ni. Champhai District Bawrhsap chuan heng sorkar building te hi mipuiin an tana sak a ni tih hria a, a enkawl kawnga tanlak a tul thu te, a sak leh vil zui kawngah hmasawn a ngai tih a
tarlang tel bawk.
Comments are closed.