SAWRKAR SUM AH CHHIAH ATANGA HMUH RS. NUAI 917.95 CHHUNGLUT

Get real time updates directly on you device, subscribe now.

Nimin chawhnu khan Champhai District leh Khawzawl District chhunga sumdawngte tana GST chungchang inzirtirna GST Awareness Campaign chu Deputy Commissioner of State Tax, Champhai Zone bultumin I&PR Auditorium, CHANEM-ah buatsaih a ni.

He hun hi Pu C. Lalthazuala, Assistant Commissioner of State Tax, Champhai Zone chuan a kaihruai a, State Tax Officer Pu HT Khualkunga leh Pu Lalhriatpuia Ngente te’n GST chungchang sumdawngte an zirtir a. GST pek dik loh vanga hremna awm thei pumpelh tura GST pek dan dikte sumdawngte zirtir an ni a. Hun kal tawha chhiah an lo pek dik tawh loh haichhuahna tur scrutiny leh audit kalpui chhoh mek a nih thute an sawi bawk a. Sumdawngte chu anmahni kutkawiha GST pek dan an thiam lo a nih pawhin pe tura mi dang an rawihna kawngah fimkhur taka kalpui tura hrilhhriat an ni bawk.

Taxation Department, Champhai Zone chuan kum 2021-2022 chhung khan Mizoram sum bawma lut tur chhiah cheng nuai 917.95 an hmu a, 2022-2023 kum kal mek September, 2022 thlenga an chhiah hmuh tawh zat chu cheng nuai 468.24 a tling tawh bawk a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More