Nimin khan DM&R Fund atanga Rs. Nuai hnih senga Upper Primary School, Thekte building chei that chu District Education Committee Chairman Maria CT Zuali chuan a hawng.
Champhai District Bawrhsap Maria CT Zuali chuan thu sawiin, Zirna chu kawng engkima hmasawnna thlentu a nih avangin Thekte khuaa Upper Primary School Building hawn thar tak chu Thekte khuain tangkai taka an hman a beisei thu a sawi a.
Mihring nunphung zir chhuahna tur leh, hmantlaka naupang chher chhuahna hmun a nih ngei theihna tura duhsakna hlan chungin a hawng a. District Bawrhsap chuan he hmun atang hian ram leh khawtlang tana mi chhawrnahawm tak tak an zir chhuah theihna tura tan la turin zirtirtute a fuih a. Thekte khawtlang a changkan zel theihna tura zirna leh thiamna ngaipawimawh turin a chah bawk. He sikulah hian zirlai 59 an awm mek a ni
Comments are closed.