SELF HELP GROUP 61 HNENAH CHENG NUAI 20 CHUANG SEM

Champhai District, Khawbung RD Block ah nimin khan MzSRLM Block Mission Management Unit (BMMU) chuan Block Level Credit Camp cum Insurance Scheme Roll Out Programme chu BNRGSK Hall-ah an hmang.
He hunah hian K.Lalhlimpuia, MCS BDO/BMD chu khual lian niin, Block chhunga hmalakna hrang hrangah hlawhtlinpui tam tak an awm tawh avanga lawmthu sawiin, Self Help Group te pawhin tangkai taka sum hmang zel tur leh hlawhtlinpui ngei tura hma la turin a sawm.
MRB Branch pathum Khawbung Branch, Farkawn Branch leh Bungzung Branch aiawh te kalin, MRB Khawbung Branch Manager Vanlalhruaia chuan Loan lak chu fimkhur taka hman a tul zia te leh Insurance pawimawh dante kal khawmte hnenah a sawifiah a. Manager te hnenah hian Self Help Group te chuan theihtawpa hma an lakpuina avangin Appreciation Certificate leh Tawlhloh puan an hlan a ni. Hemi tum hian Rs.22,50,000 chu Self Help Group 61 hnenah Cheque hmanga sem chhuah nghal a ni. SHG hmalakna atanga hlawhtling Lallianpuii Vanzau VO leh Lalngaihzuali Vaphai VO ten an hlawhtlin dante an sawi bawk.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More