SEPTEMBER NI 20 AH COLLEGE ZIRNA IN TAN DAWN

0

Get real time updates directly on you device, subscribe now.

District Disaster Management Authority, Champhai District thukhawm chuan, tun thla ni 20 atanga College hawngin zirlai ten class kal tan tawh se, an ti.
District Disaster Management Authority, (DDMA), Champhai District chu nimin chawhnu khan Bawrhsap Maria CT Zuali hovin DC Conference Hall-ah an thukhawm a. Covid-19 dona kawnga hmalaknate thlir ho niin, College class tan leh hun tur chungchang bakah African Swine Fever khuahkhirh zui zel dan tur rel a ni.
College kal hun tur ngun taka sawiho a nih hnuah DDMA Champhai District chuan Covid-19 laka himna tura inkaihhruainate tha taka zawm chungin September ni 20, 2021 atangin College hawnga class kal tan leh ni se, a ti a. Class kal dan tur kimchang chu College thuneitute kutah a dah thung.
African Swine Fever (ASF) leng mek khuahkhirh zel a nih theih nan District Magistrate thuchhuahte tha taka zawm zel ni se, an ti a.
DVO Champhai tarlan danin nimin thleng khan Champhai District-ah ASF vangin Vawk 499 an thi tawh a, a thih tamna ber Zokhawthar khuaah Vawk 257 an thi tawh a ni.
He hunah hian CMO leh DMS Champhai chuan 3C 4C, Ina khung hran, DCHC dinhmun leh vaccine pek dan tlangpuite an tarlang a. Govt. Champhai College Principal chuan hrileng vanga inkhuahkhirhna kalpui a nih chhunga zirlaite class lakpui dan leh exam neih dante a tarlang bawk.
DDMA Champai District thutkhawmah hian fimkhur tak chungin nunphung pangngaia let leh tura ngaihtuahna hman a hun tawh thu te, Covid-19 vanga hna thawh theih loh leh inhrekna hrang hrangte kalsan tura inpuahchah a hun tawh tih te sawi lan a ni a. Eizawnna leh mamawhna avanga District danga zin chhuakte khung hrang thin an awm chu tih tawh loh ni se, an ti a. Covid-19 vei tam takin khawtlang tangrual enkawl Community Covid Care Centre (4C) kaltlangin enkawlna an dawng a, hrikai darh chak lutuk tur ven kawnga khawtlang leh kohhran inpekna a chhuanawm tak zet a. Hri kai hnu chhui kalpui kawngah mi nawlpui chunga harsatna thlen lo tura thlurbing thiam a tul tih tarlan a ni bawk.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More