SEPTEMBER THLA CHHUNGIN HRIKAI 2000 CHUANG HMU

Get real time updates directly on you device, subscribe now.

Nimin khan Champhai District chhungah hri kai mi 218 hmuhchhuah belh leh a ni a.
Nimin khan Khuangleng-ah Covid-19 test runpui kalpui chhunzawm leh niin chanchin buatsaih lai thlengin sample 750 endik tawhah hri kai mi 172 hmuhchhuah belh leh a ni a, nimin bika positivity rate hi za zelah 22.93 a ni a, nithum chhungin Khuangleng khuaah hian hri kai mi 346 hmuhchhuah tawh a ni a, chanchin buatsaih lai thleng hian test hi la kalpui chhunzawm zel a ni.
Khuangleng bakah hian Thekpui-ah hri kai mi 10 hmuhchhuah a ni bawk a, Champhai khawpui chhungah hri kai mi 36 hmuhchhuah nii Kanan Vengah mi 12; New Champhai-ah mi 11; Vengthlang-ah mi 3; Zion Veng, Vengsang, Venglai, Bethel-ah te mi 2 theuh; Vengthar leh Hmunhmeltha-ah mi 1 ve ve hmuhchhuah ani bawk.
Heti hian Champhai District chhunga hri kai hmuhchhuah chu mi 3405 an tling tawh a, September thla chhungin hri kai mi 2031 hmuhchhuah niin thla khat chhunga hri kai hmuhchhuah zat hi Champhai District chhunga hri kai hmuhchhuah tawh zawng zawng atanga chhutin za zelah 59.64 a tling pha a ni. Nimin tlai thleng khan hri kai enkawl dam mi 2388 awm tawhin hri kai hmuhchhuah zat atanga chhutin enkawl dam zat hi za zelah 70.13 a ni a, hri kai enkawl lai mi 1015 anla awm mek a, hri kai enkawl lai anla tam ber tum a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More