SEPTEMBER THLA CHHUNGIN HRIKAI HMUHCHHUAH TAWH MI 1000 TLING TEP

Champhai District chhungah Covid-19 hri kai hmuh chhuah belh zel a la ni.
Inrinni khan hri kai 74 hmuhchhuah a ni a. Rapid Antigen Test hmangin hri kai mi 71 hmuhchhuah belh leh a ni a. Zion Vengah 33, Kahrawtah 13, Venglaiah 7, Bethel-ah 6, Vengsangah 5; Vengthlang North, Kanan, Electric Veng-ah te pahnih theuh hmuh chhuah an ni a. Vengthlangah pakhat hmuh chhuah a ni bawk. Zirtawp zan khan TrueNat hmangin Vengtharah hri kai 3 hmuhchhuah an ni bawk.
Nimin khan hri kai hi 76 hmuh chhuah belh leh a ni a. TrueNat hmangin 19, Bethel vengah 7 leh Venglai-ah 11 hmuh chhuah a ni a. RAgT hmangin 72 hmuhchhuah thar a ni bawk a. Kahrawtah 13, Venglai-ah 7, Bethel vengah 6, Zion vengah 33, Vengsangah 5; Electric vengah 3; Vengthlang North, leh Kanan vengah 2 ve ve bakah Vengthar leh New
Champhai-ah pakhat ve ve hmuh chhuah a ni bawk.
September thla hian hri kai hmuhchhuah hi 951 an tling tawh a, Ni 19 chhunga hri kai hmuh chhuah hi thla khat chhunga hri kai hmuhchhuah tam ber a tling tawh a ni. Heti hian Champhai District chhunga hri kai hmuhchuah chu 2,325 an tling tawh a.
Enkawl dam hi 1,719 awm tawhin hri kai hmuhchhuah zat atanga chhutin hri kai enkawl dam zat hi za zela 73.93 a ni a, hri kai enkawl lai hi 604 an la awm mek.
Hetihlai hian nimin tlai dar 5:20 khan Pu Rohmingliana, kum 62 Mualkawi chu ZMC-ah a boral tih thu dawn a ni.