Sessions Court hmun tur thlangfel vat turin ngen

Nimin khan Champhai All NGO te chu Champhaia Sessions Court dah chungchang
ngaihtuahin YMA Sub Hqrs Champhai Pisa, Tlangrawtah an thukhawm.
He thutkhawm hi F.Lalrinmuana, President SYMA chuan a kaihruai a, District/Sessions Court hmun tur chungchang sawiho a ni a.
Sessions Court hmun tur hi Champhai khawpui chhung khawi hmunah pawh dah ni
se tha an tih thu sawi lan a ni a. Champhai khawpui chhunga District Court dah a nih theihna turin sum sanction fel vek a nih ang ngeia a hmun tur thlang fel thuai turin Sawrkar an ngen a ni.
Hei bakah hian Seling -Zokhawthar National Highway No. 6 laih tur chungchangah Champhai mipui leh Mizoram Sawrkarin hamthatna an hmuh theih dan tur sawiho
nghalin, a tul ang a hma la tur an inruat nghal bawk.