Nimin khan FOCUS hotute chuan Champhai district chhunga khaw pahnih – Vangchhia leh Sazep khuaa Sial vulhtute hmalakna a hmunah kalin an enfiah.
Nimina Focus hotute’n sial vulhtute hmalakna an enfiah hi FOCUS project first installment kaltlanga AH & Vety Department, Champhai District, FOCUS Project hnuaia mi a ni a. Heng hmalakna hrang hrang – Se in sak, a vengtute chawlhbuk tur sak, tui pekna leh enkawl an ngaih changa thlunna tur siam leh Se huang enkawlna tur sakte hi an enfiah hnuah hman theih turin an hawng nghal a ni.
Dr. B.Zonghinga, District AH & Vety Officer; Dr.Lalrotluanga Sailo, Deputy Director, FOCUS, PMU Aizawl; Dr. C.Lalawmpuia, Technical Officer, FOCUS, PMU Aizawl leh Champhai District FOCUS Project hnuaia Vety Officer-te an tel a.
‘Mithun Shelter-Community Level and Water Supply Facility for Grazing Area’ hnuaia hmalakna hrang hrangte chu a hmunah kal chilhin, an enfiah nghal bawk.
AH & Vety Department chhinchhiah danin – Vangchhia-ah hian Sial vulh chhungkaw 30 awmin, Sial 130 an vulh mek a. Sazep-ah hian Sial vulh chhungkaw 26 awmin, Sial 243 an vulh mek bawk.
Comments are closed.