SIK LEH SA INTHLANG DANGLAM BEIHLETNA

Get real time updates directly on you device, subscribe now.

Fostering Climate Resilient Upland Farming System in the Northeast (FOCUS) project kaltlanga A.H & Vety. Department, Champhai District-in FOCUS Project first installment kaltlanga ‘Mithun Shelter-Community Level and Water Supply Facility for Grazing Area’ tih hnuaia Sial in leh tuikhur ramhnuaia siamte chu vawiin khan Pu R.K. Nithanga, State Project Director, FOCUS Aizawl chuan hman theih turin a hawng.
Thusawiin Pu R.K. Nithanga chuan FOCUS Project chuan thingtlang loneitute leh ranvulhtute tihhmasawn kawngah theihtawp a chhuah mek zel thu leh an sum lakluh tipung tura hma a lak thu a sawi a. Sik leh sa inthlak danglam chak lutuk avanga nunphung danglam leh harsatna thleng thinte beihletna tinzawna project siam a nih thu a sawi bawk. A.H & Vety. Department leh Vaphai khuaa Sial vulhtute thahnemngaihna kaltlanga Sial vulh kawnga hmasawnna ruhrel duhawm tak siam chu tangkai taka hman a nih theihna tura duhsakna hlanin a hawng a ni.
He hun hi Dr. B.Zonghinga, DVO Champhai in kaihruaiin Lalbiaksâwma, Secretary, Tanzo Sevulh Pawlhnen atangin report ngaihthlak a ni a. Emmanuela Sailo, VCP Vaphai chuan thu a sawi bawk a.
Lalthantluanga, Chairman, Tanzo Sevulh Pawl in lawmthu sawiin hun a khar a ni. Sial in leh tuipekna ‘Mithun Shelter Community Level and Water Supply Facility for Grazing Area’ tih project hi FOCUS hnuaia thawh niin sawrkar kum kalta khan DVO Champhai huam chin khaw 8; Farkawn, Samthang, Vangchhia, Sazep, Lianpui, Khuangleng, Hnahlan,
Tualcheng, Vangtlang leh Saitual District-a Kawlbemahte hawn a lo ni tawh a. A thawhhnihna turin Champhai District-a khaw 5; N.Khawbung, Khuangphah, Vapar, Ruantlang leh Vaphaiahte Sial in leh tuikhur hi siam a ni a. North Khawbung leh Vaphai amite hi hawn fel tawh ani. khaw dang 3 a siamte pawh hawn mai theih tura peih vek tawh an ni bawk. Se in zau zawng hi a dung feet 36 leh a vang feet 36 a ni a, Se tuikhur nen avaiin tha 149 senga siam a ni a. Rs. 3,24,190/- sen a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More