𝗦𝗼𝗿𝗸𝗮𝗿 𝗵𝗺𝗮𝗹𝗮𝗸𝗻𝗮 𝗶𝗻𝗻𝗴𝗵𝗮𝗸𝗻𝗮 𝘁𝗹𝗮𝗸𝗮𝗵 𝗔𝗹𝗹 𝗡𝗚𝗢 𝗖𝗖 𝘁𝗲𝗻 𝗻𝗴𝗮𝗶

Seling to Champhai NH6 kawngpui, ruahman ang ngeia a kal theihna tura hmachhawp thlirletin Champhai District NGO-Coordination Committee chu nimin khan YMA Sub-Hqrs. Champhai Office-ah an thukhawm.
He hunah hian Mizoram State sorkar hotute thurawn anga Khawzawl DC in Kawlkulh leh Dulte Joint NGO hnenah kawngpui kal dan tur ruahmanna chu tih danglam theih a nih tawh loh dan leh, Kawlkulh leh Dulte Joint NGO ten kawngpui siamtute laka dodalna lantirzui tawh lo tura a thuchah chu tarlan a ni a. Kawngpui sial hnathawh hi khaihlakna awm lo va, hna thawh thuai hi khawchhak tlangdung mipui duh dan a nih angin, District NGO-CC chuan sorkar hmalakna chu innghahna tlakah ngaiin, zawldawh taka ngaih chan rih tha a ti a. Contractor-in tluang taka hna an thawh chu an duh dan a nih thu an tarlang.
He thutkhawm, YMA Sub-Hqrs. Champhai President F. Lalrinmuana kaihhruai-ah hian, Khawzawl leh Champhai inkar bik kawngpui siamtu (Contractor) Balaji te inbenbelna tur, Khawzawl leh Champhaiah ngaihtuah sak a nih thu leh, pawl hmalakna atana pawisa thawh tlingkhawm chu Rs. 70000 a tling tawh tih tarlan a ni a, NGO CC hma chhawp hrang hrang te sawiho a ni bawk.