SP in a hmalak dan tur MJA hrilh

Nimin khan Champhai District Superintendent

of Police Rex Zarzoliana Vanchhawng, MPS chuan a pisa-ah MJA Champhai District member-te chu thingpui inpuiin, inkhawm hona a neihpui.

He hunah hian Champhai SP Rex Zarzoliana Vanchhawng chuan mipui rawngbawl kawngah police leh media te tanho a tul thu a sawi a. Police te hian hna an ngahin dan leh thupek kenkawh kawngah thawh sen loh a awm a, a bikin Champhaiah chuan chona a tam lehzual nia a hriat thu a sawi a. Hmalakna tur langsar zual nia a hriatte sawiin, Champhai chu ramri dep a nilh angin ruihhlo luhka a ni a, ruihhlo donaah beihpui thlak a, tha thlah lo va bei tura ruahmanna siam mek a ni a; awmze nei zawk leh sawt zawka kalpui dan tur pawh duan a ni, ti a. Ruihhlo ngaite enkawlna tur pàwh tlawmngai pawl leh khawtlang tangruala buaipui dan dap a tum thu a sawi tel bawk.

Champhaia lirthei pung zelah traffic tawt avanga harsatna thleng chho zel tur veng a, tun aia awmze nei zawka lirthei chet velna pawh kaihhruai leh hmalak tum a nih thu a sawi a. Hemi atan hian dan kengkawhtute chauh ni lovin, VC leh mipui pawhin

mawhphurhna lian tak an nei, a ti a, Champhaia lirthei khalhtute chu traffic dan an hriatna atan a tahtawla awareness-campaign neihpui tum a nih thu sawiin, rui chunga lirthei khalh an awm lohna tur te, lirthei registration nei lo chu lirthei neitute tan a him loh piah lamah vanduaina tawh thulha mawhphruhna an neih san avanga an hmakhaw ngaia dap chhuah zel tum a nih thu te a tarlang tel bawk.

He hunah hian MJA te chuan SP kaihhruaina 

hnuaiah dan leh thupek kenkawh kawngah Champhai chuan hmasawnna an hmuh chhoh ngeian beisei tih sawiin, khawtlang tana rawngbawl leh hmalakna kawngah SP chu an theih ang angà tawiawm an tum thu te, police kaihhnawih thil pawimawh chi hrang hranga hmasawnna leh hmalakna tur nia an hriatte an thlen a ni.