SPORT MINISTER CHUNGAH LUNGAWI THEILO

Get real time updates directly on you device, subscribe now.

Champhai District Sports Committee chuan Sports Minister Robert Romawia Royte in thu tiam a nei chunga Champhai District a ngaihsak leh miah lo chu rilru nat thlak an tih thu an sawi.
Champhai District Sports Committee Chairman Lalnunmawia kaihhruai thutkhawmah, sawrkarin District Sports Committee kalphung a tihdanglam tak chungchang sawiho a ni a. Champhai tan Sports Minister Robert Romawia Royte chuan thu tiam a nei chunga Champhai District a ngaihsak leh miah lo chu rilru nat thlak an tih thu tarlan a ni a. Thukhawm chuan District Sports Committee hi District Bawrhsap kaihhruainaa kal leh tur chuan hmasawnna a awm thei dawn lo tih an sawi a. DC Chairman-na hnuaiah Committee 100 chuang a awm avangin, Sports Association tan buaina lian tak a lo nih tawh thin tih pawh tarlan a ni a. Bawrhsap chu inthlak reng an nih avangin Champhai hmangaihtu diktak, Champhai pa ngeiin Sports Committee hi hruai zel se tha an tih thu tarlan a ni a. He kalphung thar sawrkarin a duan hi an duh loh thu puanchhuah ni se, inthlan hunah pawh kal loh ni se tiin an rel.
District Sports Committee hi Champhai ah kum 2000 khan DC Chairman-na hnuaiah din tan a ni a, hun rei tak hnuah kum 4 chhung chu Bawrhsap chairman tawh lovin tualchhung mite kaihhruaia kalpui a ni tawh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More