Nimin khan Champhai District Bawrhsap chuan District Sports Committee din thar chungchang rel turin thutkhawm a ko va, Meeting-a tel tura koh zing a mi Champhai District chhunga recognised Sports Association President-te an inlan lo.
Mizoram State Sports Council-in District Sports Committee din thar leh tura dan a siam angin, nimin khan Champhai Bawrhsap James Lalrinchhana chuan Champhai District chhunga recognised Sports Association President-te leh District chhunga thuneitu hrang hrangte thutkhawm a ko a, he meeting-ah hian Sports Association President zingah in lan an awm lo a ni.
Mizoram State Sports Council chuan District hrang hrangah Sports Committee din thar leh dan tur ruahmanna a siamah, District Bawrhsap Chairman-na hnuaiah District Sports Committee hi siam tur a ni a. Hei hi Champhai District Sports Committee bakah Sports Assciation hrang hrangte chuan an duh loh thu an lo tlangau pui tawh a. Champhai District Sports Committee chuan Sorkar atanga District Sports Committee lam kaihhnawih hrim hrima inhnamhnawih lo turin Sports Association hrang hrangte chu an hriattir a ni.
Comments are closed.