Sub-Hqrs YMA in Myanmar unaute hnenah ngenna siam

Get real time updates directly on you device, subscribe now.

YMA Sub-Headquarters, Champhai chuan loh theih loh leh nunna atana hlauhthawnawm tih loh chu Mizoram lama rawn chhuk belh tawh rih lo turin Myanmar-a awm Mizo unaute an ngen.
Inrinni chawhma dar 11:00 khan YMA Sub-Headquarters, Champhai Executive Committee chu thukhawmin, F.Lalrinmuana, President YMA Sub-Headquarters Champhai-in a kaihruai a.
YMA Sub-Headquarters, Champhai Conference Vawi 7-na hman zawh tak an thlir let a. Conference Rorela agenda pawmte bawh zui dan tur leh Myanmar ram buaina avanga Mizoram-a raltlan lo dawnsawn zel dan tur te an sawi ho a. H.Lalramhluna, YMA Sub-Headquarters SEC member, lirthei chetsualna thleng avanga boral ta sunna hun an hmang bawk.
YMA hruaitu thukhawm chuan, khawchhak unau raltlan chungchangah YMA Sub-Headquarters chuan Covid 19 laka kan him tlan theihna turin CMO chu hma lak zel dan tur sawi puiin, thawktu, Technician lak belh turin ngenna siam se tiin an rel a. Branch
hrang hrangte chu mikhual (raltlan) an neih ang angte fel fai taka chhinchhiah zel tura an hriattir bakah, Champhai Tui tlan hnar thenfai hnatlang chu hun remchang hmasa bera koh turin an rel bawk.
YMA Sub-Headquarters chuan khawchhak unau raltlan chungchangah thu chhuah siam nghalin : Khawchhak Unaute an chenna ram (Myanmar), mipui sawrkar, Sipai sawrkarin hnehchhuha rorelna an kenkawh avanga harsatna an tawk chu pawi an tiin, an tawrhpui tak zet tih an tarlang a. Mipui sawrkar a din leh theihna tur atana an
hmalaknate chu YMA Sub-Headquarters Champhai chuan an thlawp tlat tih tarlang in; hetih rual hian, Covid 19 Hripui chu Mizoram mai ni lo Ram pumpuiah a thawh hnihna a thawh mek avang leh, hri kai thar an pun zel avangin kan zavaia kan himtlan zawk nan loh theih loh leh nunna atana hlauhthawnawm tih loh chu Mizoram lama rawn chhuk belh tawh rihlo turin an ngen tih an tarlang bawk a. Loh theih lohna avanga khawchhak unau raltlan rawn chhuk tur reng rengte chu an rawn thlenna tur Branch YMA hruaitute hrilh hre hmasa zel tawh tur leh, Sawrkar-in SOP thar ber a siam angin a rang thei ang bera Covid-19 hri an kai leh kai loh endiktir vat tawh turin an ngen bawk a.
YMA Sub-Headquarters, Champhai executive committee an thutkhawm hma hian Tuipuiral Group YMA hruaitute kaltlangin khawchhak unau raltlante tan mutbu eng emaw zat an hlan nghal bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More