Zirtawpni khan YMA Sub-Hqrs. Champhai Conference vawi 7-na hman a ni a. CYMA
hruaitute kaihhruaiin Kum 2021-2023 chhunga hruaitu tur thlan niin, President atan
F.Lalrinmuana, Champhai Vengthlang thlantlin a ni.
Inkhawmpui hi Kahrawt Community Hall, Champhai-ah hman niin, chawhma lamah
rorel a ni a. Agenda 14, YMA khawih 8 leh Sawrkar khawih 6 ngaihtuah ho a ni a. YMA
khawih agenda 5 pawm niin, sawrkar khawih agenda 6 pawm vek a ni a. Agenda pawm zingah hian YMA khawihah – SEC atanga lut –
‘SYMA, Champhai huam chhunga Branch tinte’n mitthi leh nau piangte ziakin chhinchhiah vek ni rawh se’ tih leh, ‘ SYMA Champhai huam chhunga UPSC leh MPSC
Group A-a inziak tlingte SYMA hmingin SYMA Conference-ah chawimawina hlan
thin ni rawh se’ tih te a tel a.
Sawrkar khawih agenda-ah SEC atanga lut – ‘Champhai District Hospital-ah MRI leh CT Scan dah a nih theih nan SYMA-in hma la rawh se’ tih te, ‘Moral Education hi school syllabus-a telh a nih theih nan CYMA-in hma la rawh se’ tih leh ‘Central Service-a thalaite a tam thei ang ber an luh theihna turin Champhai-ah Coaching Centre din a nih theih nan SYMA-in hma la rawh se’ tih te a tel a ni. Kum 2021 – 2022 SYMA, Champhai budget atan Rs 22,14,500 chu pawm a ni.
CYMA hruaitute kaihhruaiin Kum 2021-23 chhung SYMA Champhai hruaitu tur thlan a ni a. President-ah F.Lalrinmuana, Champhai,
Vengthlang; Vice President-ah Lalnunsanga, Champhai, Electric Veng; Secretary-ah Lallawmzuala, Champhai, Vengsang; Asst. Secy.-ah Lalzahawma Varte, Zotlang; Treasurer-ah Lalchhuanawma, Venglai; Fin. Secy.-ah Lalchhanhima Zofa, Dinthar-te thlan tlin an ni.
Comments are closed.