Champhai to Aizawl Maxi Cab Owner Welfare chuan an counter tharah inthiarna leh electric eng tun thla chhunga an neih loh chuan Sumo Stand hluiah din leh mai an rel.
Nimin khan Champhai to Aizawl Maxi Cab Owner Welfare leh driver te chu Vengthlang YMA Hall-ah an thukhawm a. He hunah hian Sumo Counter chungchang an ngaihtuah a, Sumo Counter chungchangah tuna CHANEM a District thuneitu ten an sawn chu ngun takin an ngaihtuah a.
Thuneituten Counter Stand an siam hma a awm tura an sawi Counter te inthiarna te leh electric eng te chu vawiin thlenga ala awm tha thei lo chu pawi an ti hle a. Transport Minister Pu TJ Lalnuntluanga hnenah ngenna anlo thlen tawh angin tun thla chhunga heng an mamawh hrang hrang te hi tihfelsak an nih loh chuan December ni 1 atang chuan an Stand pangngai Vengthlang Pu Kapmawia Building bulah din leh mai nise an ti.
Intlanchhawk chungchang pawh sawihoin Champhai lam atangin 15 leh Aizawl lam atangin 15 nitin kal rih nise, passenger awm dan a zirin Executive Committee-in a tul angin ngaihtuah zel nise tiin an rel a ni. Heng bakah hian an pawl Welfare thil chi hrang hrang an sawiho nghal bawk.
Comments are closed.