TAWIHTHEILO PLASTIC HMANG FIMKHUR TURIN CHAH

Get real time updates directly on you device, subscribe now.

Nimin khan District Water & Sanitation Mission Committee, District Sanitation Task Force leh Jal Shakti Abhiyan – Catch the Rain Campaign Expert Team chu Champhai DC Conference Hall-ah Bawrhsap Maria CT Zuali hovin an thukhawm.
He hun kaihruaitu Maria CT Zuali chuan fai tura tuihna humhalh a tul thu sawiin, tui tel lo chuan nunphung a buai a, sik leh sa inthlak, ramngaw chereu leh leihnuai tui awm kiam zel avangin tui a harsa tulh tulh a; harsatna lian zawk kan tawh loh nan theihtawp chhuaha hmalak a ngai a ni, a ti. Bawrhsap chuan District mipui chu faina kawnga tan la deuh deuh tur te, plastic leh chemical hmang fimkhur turin a chah a ni.
RD Block pakhat zela member 4 awmna Open Defecation Free (ODF) Plus Verification Team din dan tur sawiho a ni a, karleh atangin endik tan nghal ni se, an ti a. ODF Plus ni thei tur Champhai RD Block atanga khaw 7 – Chhungte, Champhai Jail Veng, Lungphunlian, Murlen, N.Diltlang, Ruantlang Mualveng, Tuipui leh Khawbung RD Block chhunga khaw 5 – Buang, Leithum, Sazep, Vanzau, Zawngtetui khua chu ODF Plus dinhmun an pha em tih an endik dawn a. Heng bakah hian khaw dangahte pawh a tahtawl zela hmalak tum a ni.
Plastic Waste Management Amendment Rules 2021 sawiho a ni a. Champhai District-ah vawi khat chauh hman tlak polythene plastic bag hman thin bansan a, bag tawih thei, Non Woven Bag leh a dang, hriselna leh leilung tana him zawkte hman a nih theih nan hmachhawp sawiho a ni a. Mipui zingah zau zawka zirtirna pek a nih theih nan MHIP in theihtawp chhuahin, Branch tin kaltlangin hma lo la se, an ti a. Environment Forest & Climate Change Department-in polythene plastic bag hman vanga nghawng thalo hrang hrangte leh, hmang tlem tura inzirtirna pamphlet siam se. Bazar ni bikah Official te’n Bazar fangkualin endik thin se, a tul angin dan zawmlote mana hrem thin ni se, tiin an rel.
Jal Shakti Abhiyan – Catch the Rain Campaign kaltlangin ruahtui tla khawlkhawm leh, tui hna humhalh lama tanlak a tul hle tih tarlan a ni a. Ramngaw leh lui humhalh kawnga hmalak dan tur hrang hrangte sawiho in, chanvo leh mawhphurhna chang tur ruat fel a ni. A nih dang ang tura hna thawh a nih theih nan inrawn tlanga thawhho zel a tul tih tarlan a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More