Champhai Taxi Owners’ Association chuan raltlan chhawmdawlna turin buhfai an pe.
Nimin khan Champhai Taxi Owners’ Association chuan raltlan chhawmdawlna buhfai bag 15 leh Dal bag 3 chu Sub-Hqrs. YMA Champhai kaltlangin an hlan a. CTOA President Pu Laldinthara chuan CTOA Committee-in Myanmar atanga sahimna zawnga rawn tlanchhia Zohnahthlak te chhawmdawl nise a tih anga chhawmdawlna pe an nih thu a sawi a. Sub-Hqrs. YMA Champhai hruaitute chuan raltlan ten khawngaihtu leh hmangaihtu anla nei zel chu lawmawm an tih thu an sawi a, a tul angin raltlan te hnenah a bo a bang awm lovin semchhuah leh ani dawn tih an sawi bawk.
Nimin piah khan Central YMA-in bungbel leh thawmhnaw thahnem tak raltlan chhawmdawlna turin SYMA Champhai kutah hian an hlan bawk a ni.
Sub-Hqrs. YMA Champhai huamchhungah raltlan mi 7000 dawn an awm tawh a, Sub-Hqrs. YMA Champhai Thuthmun Branch khawpui chhung bikah a hlawma raltlan enkawlna hmun 4 bakah mahni chhungte bel nen raltlan mi 3250 an awm mek a ni.
Comments are closed.