Champhai khawchhunga lirthei lo pung zel avang leh hun lo kalzel tur atana Champhai khawpui tana a that zawk nan Champhai khawchhunga Maxi Cab Stand hmun hrang hrang a awmte CHANEM Building-ah sawn anih theih dan tur ngaihtuahin nimin
chawhma dar 10:30 khan Pu Lalrinpuia Varte, SP Champhai kaihhruaina hnuaiah a kaihhnawih Department, VC leh Maxi Cab Owners’ Welfare Association hruaitute chu SP Office-ah an thukhawm a, CHANEM Building chu Maxi Cab Stand thar atan karleh Thawhtanni atangin hman tan turin thutlukna an siam a ni.
Meeting-ah hian CHANEM hmunhma Maxi Cab Stand atana ruahman dan a hmuna anlo enho tawh dan te ngaihthlak a ni a, CHANEM hmunhma Maxi Cab Stand atana ruahman awm chu tha an tih tlan thu sawilan niin
hemi in a kaihhnawih harsatna awm thei hrang hrang te uluk taka sawiho a ni bawk.
Maxi Cab hmang tangkaitu mipuite leh motor enkawltute chu ruahmanna thar anga Champhai atanga chhuak tur Maxi Cab te chu CHANEM atang chauha chhuak tur leh mipuite pawh pan khawm thin turin an ngen a ni.
Meeting-ah hian Pi R. Lalnunkimi, DTO & DUDO Champhai, VCP Vengthlang leh a thawhpuite, Maxi Cab kaihhnawih Association/Welfare hrang hrang hruaitute an tel a. SP hi Champhai Police Officer ten an tawiawm bawk a ni.
Comments are closed.