THIAN CHHAN THIH NGAM PC LALMUANAWMA

0

Get real time updates directly on you device, subscribe now.

Mahni nunna hlana midangte tana inpe PC Lalmuanawma, Kawlkulh khua chu nimin khan Kawlkulh Jt YMA in tawlhlohpuan banin an thlah liam.
Thu dawn danin PC Lalmuanawma, kum 23 mi, Kawlkulh khua hi lirthei khalha eizawng niin, Inrinni
khan Vairengte-ah an kal a.
Vairengte Chhimluang Road-ah phurh tur changa an awm laiin an thiante motor, kawng nala tang chu motor hmangin an hnuhchhuahpui a. A hnukchhuaktu zawk motor hi kawng nalah a tawlh let thut a, PC Lalmuanawma thianpa, Lalrotluanga chu motor hian a sut dawn avangin PC Lalmuanawma hian a thianpa chu nam sawnin amah erawh a insaseng hman ta lo va, Motor hian a chil zui ta a ni. PC Lalmuanawma hi Vairengte PHC panpui nghal ni mah se, a hliam tuar lo hian Inrinni zan dar 12:00 khan a boral zui ta a ni.
A ruang hi nimin zing dar 8:30 khan an khua Kawlkulh thlenpui a ni a. Kawlkulh khawtlangin ropui taka lo hmuakin, Kawlkawlh Jt YMA chuan mahni nunna hlana mi dangte tana inpe PC Lalmuanawma hi an ngaihsanzia lantirnan, a kuang chu tawlhhlohpuan banin an thlahliam a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More