THING LEH MAU IN NAWH LAIA DC SAWN PAWI TI

Get real time updates directly on you device, subscribe now.

Dan lova Khawbung kaltlanga kuhva phurin reilote chhunga kawngpui a rah chhiat avang leh hemi kawnga chak tak leh huaisen taka hma latu, Champhai District Bawrhsap sawn (transfer) a ni chu pawi an tiin, Mizoram sawrkar hian sawn rih lo se an duh tih Khawbung Branch YMA chuan thuchhuah siamin an tarlang.
Khawbung Branch YMA Committee chuan thuchhuah siamin : Champhai District Bawrhsap Maria CT Zuali’n district mipui tana thahnem ngaia mipui intodelhna tura theihtawp chhuaha hma a lâk chungchang te, thingtlang kuthnathawktute intodelhna tura kawng kawhhmuha hma a lakpui thu te, dan leh thupek ngai pawimawh mi a nih thu leh, ram leh mipui tana dikna tundin duha hma a lak mek dan te an tarlang a.
Kuhva avanga thu inchuh mek lai – thing leh mau innawh laia sawn (transfer) a ni chu pawi an ti a. Sawkar hian hun tha zawk nghâkin sawn lo se an duh tih an tarlang a ni.
Kum 24 zet siam that (repair) loh Khawbung paltlang kawngpui, CNV Road siam mek chu dan lova kuhva phur te’n an chil chhiat nasat avangin Khawbung paltlanga phur lo turin kuhva phurtute an ngên a. Central YMA-in dan lova kuhva tawlh chungchanga thuchhuah a lo neih tawh angin, ram leh hnam dam nan an ding tlat dawn tih an thuchhuahah hian an tarlang tel bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More