THING TANG PHUN NUN DAN ZIRTIR

Get real time updates directly on you device, subscribe now.

Ministry of Youth Affairs & Sports hnuaia National Service Scheme (NSS) Khawbung Higher Secondary School Unit chuan, thing tang phun nun dan inzirtirin Khawbung hmun hlui phul hungna leh cheimawina turin saron par sin chi an phun.
Mizoram khaw thlang lama ruahtui a tam viau laiin, khawchhak tlangdungah tlangdung inkhawh dan a zirin ruahtui a tlem chho tial tial a.
Tuipuiral tlangdungah pawh Khawbung, Zawlsei leh Khuangthing chu ruahtui tlak tlem zualna niin, kum khatah centimeter 85-150 inkar vel a tla thin. Hetiang a nih avang hian NSS Khawbung HSS Unit chuan, zirlaite chu mobile application hmanga ruahtui tlak dan awlsam taka entheih dan te, April leh May thla chhoa khaw cheng hmasa ber khalha thing tang phun chi phun dan leh, chutianga phun chu fur laiin zung an thlak hman avangin a kum leh thalah a nungtlang duh bik nia sawiin khanghu, kawhtebel leh thing tang phun chi pawh hetiang huna phun tur hian an inzirtir a.
Saron tang an phun pawh tunhnai ruahsurah lei a la hnawn phak loh avangin, an phunna tur khurah tui leih hnawngin nghet takin an phun a. Kar leh lama ruahsur ngawrh deuh tawh tura khawchin thlirna hrang hranga tarlan a nih avangin, heng ruahsur tur khalha phun hi an ni. Hmun hluia saron tang an phun pah hian bawlhhlawh an thian fai nghal bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More