Kum 2021-a thla hmasa ber – January (Pawl Tlak Thla) buhfai quota sem chhuah fel a ni tawh.
Pu Spencer Vanlalchhuanga, DCSO hnen atanga thu kan dawn danin – kum 2020 kum tawp lam atang khan buhfai hi kudam hrang hrangah thlakhat ei chawp zela pek thin a ni a. Kumin Pawl Tlak Thla atan pawh buhfai hi dah fel tawh niin, retailer hrang hrangte hnenah pek chhuah a ni tawh a. Hetih lai hian, thla thar atang chuan fur ruah tui tlak laia a panna kawnga harsatna awm thei kudam-ahte chuan fur chhung ei khawp tur dah tan a ni tawh dawn a ni.
DCSO chuan, thla thar ni 9 bawr velah kum 2021 chhunga hma lakna tur hrang hrangte chu Suply Minister hoa sawi ho a nih tur thu a sawi bawk.
Champhai District chhungah nimin thleng khan Ration Card nei chhungkaw 31,447 awmin, member 143,656 an awm a. Heng zingah hian AAY card nei chhungkaw 3,773 awmin, member 10,602 an awm mek a; PHH card nei chhungkaw 16,135 awm mekin, member 78,195 an awm a; Non-NFSA Card nei chhungkaw 11,539 awm bawkin, member 54,859 an awm a ni.
Comments are closed.