Thla thar atangin Sumo chuan man san dawn

Get real time updates directly on you device, subscribe now.

Nimin chawhma khan Champhai – Aizawl Maxi Cab Service Owner’s Welfare(CAMS)-te chuan Kahrawt VC Hall-ah General Assembly an hmang.
Nimina General Assembly hi Pu Lalhmingmawia Pachuau, Vice Chairman, CAMS chuan a kaihhruai a. Rorel nghal niin, CAMS chuan Sumo Fare Rs. 600 ni thin chu Oil leh Parts hrang hrang bakah, lirthei chhe siam man leh chawhmeh man thlenga a san tak zel avangin cheng 700-ah tih san ni se tiin an rel a. Hei bakah hian, Sumo Hire Rate Rs. 7,000 ni thin chu Rs. 8,000-ah tih san ni se tiin an rel bawk a. Sumo Fare thar hi March ni 1 atangin an hmang tan dawn a ni.
General Assembly hman zawh a nih hnu hian MJA Champhai District kaihhruaiin kum 2021 – 2022 chhunga Champhai – Aizawl Maxi Cab Service Owners’ Welfare hruaitu tur thlanna, Kahrawt Community Hall-ah an hmang zui leh nghal a. Hruaitu thlan thar te:
Chairman : F.Lalnunmawia
Vice Chairman : Lalhmingmawia Pachuau
Secretary : Lalmuanpuia
Asst. Secretary : Vanlalhlua
Treasurer : C. Lalhruaitluanga
Fin. Secy : Lalngaihzuala

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More