Tunlai hian chawhmeh bazarah tomato hralh a kal hle. Kan thudawnna tarlan danin tunlai hian tomato hralh a kal hle a, Kg ah Cheng 80 atanga 100 a hralh niin, Kg ah 60 leh 80 in an la tlangpui a ni. Antam pawh tam chho mekin tel khat Cheng 30 a hralh a ni a, thlasik thlai te hralh a kal chho hle a ni.
Hetihlai hian Krismas bazar turin mipui pawh dawr dung chho ah an tam tawh hle a, kawng sir ah leh remchang lai ah te thawmhnaw zuar an thahnem chho hle. Anni bakah hian thawmhnaw dawr leh pheikhawk dawrte pawh a lun chho tan hle a ni. Kum dang angin kumin hian hripui vangin Kristian te hunpui Krismas hi hman theih rinawm loh mah se mipui nawlpui chuan an hlut hle a, thingtlang lam atang pawhin Krismas bazar turin an rawn chhuak tan a. Champhai khawpui chhunga Kohhran hrang hrang pawh Krismas lam hawiin Kohhran Biak In leh a chheh vel chei an awm nual tawh bawk.
Comments are closed.