THLI LEH RUAH IN IN 20 CHUANG TICHHIA

Get real time updates directly on you device, subscribe now.

Inrinni tlaia thli leh ruah thawk avang khan Champhai District-ah In 20 chuang a chhia.
Champhai District Disaster Management & Rehabilitation Department-in an chhinchhiah danin Inrinni-a thli leh ruah thawk avanga chhiatna tam ber chu Hnahlan khuaa mi a ni a, mimal chenna in 8 a chhia a. Hengte hi a chung rangva hawk leh a bang chhiate an ni tlangpui a. Inrinni zan khan chhungkaw pathum chuan an chenna hi hi luah zui lovin an chhuahsan a, In pakhat chu sak that ngaiin thli hian a nuai chhia a ni. In chhiate hi bialtu MLA Dr ZR Thiamsanga chuan a sak thatna chak a tumsak dawn niin Hnahlan VCP chuan a sawi.
Hnahlanah hian Winery building hnunga um an dahna In chu a chim a, Biak in chung hawk leh school-a ek in chhiate a awm bawk a. In chhia hi DM&R in a chhinchhiah danin Hnahlanah hian a vaiin In 13 a ni. In chhe tam zawk chu nimin khan khawtlang chuan an thawm thatsak.
Mualkawiah in pahnih a chhe tel bawk a. Ngur khuaah hmeithai in pathum leh patung chenna in pakhat chu thliin a tichhia a. Pakhatin nizan hmasa khan a riah chhuahsan a. Mimal chenna bakah hian Lalsanga Hall leh Upa Pawl inte a chhe tel bawk a ni.
Vanneihthlak takin, Inrinni tlaia Champhai District chhunga thli leh ruah thawk avang khan hriat theih chinah hliam tuar leh nunna chan an awm lo thung a ni

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More