Thubuai ngaihtuah hnuah VC inthlan that tul tilo

Get real time updates directly on you device, subscribe now.

August Ni 27, 2020 (Ningani) a Village Council inthlanna neih zawh taka Champhai District chhunga khaw pathum atanga inthlan thubuai thehluhte chu zirchian hnuah inthlan result thlak phahna tur chhan mumal tak an hmuh loh avangin inthlan result chu a pangngai anga kalpui ni se, tiin thutlukna siam a ni.


Khuangthing, Vaikhawtlang leh Zokhawthar atanga thubuai thehluhte chhuichiang leh ngaihtuah tura State Election Commission Mizoramin
a din Champhai District Election Tribunal chuan nimin khan thubuai thehluhte Champhai-ah a ngaihtuah a. Heng khaw pathuma Returning Officer, Presiding Officer, Counting Supervisor leh Counting Assistant, Candidate, Complaint thehluttute leh Candidate Counting Agent theuhte koh niin, chipchiar taka thu zawhfiah an ni. Zawhfiah duh angte an zawh hnu hian Champhai District Election Tribunal hi thukhawm chhunzawm leh nghalin an thil hmuhchhuahte an zirchiang a. Thubuai thehluttu te, Official-te leh inthlan kaihhnawiha tel zawng zawngte thu zawhfiah a, ngun taka an zirchian hnuah inthlan result danglam phahna tur chhan mumal tak an hmuh loh avangin inthlan result chu a pangngai anga kalpui ni se, an ti a. An thil hmuh dan kimchang leh thutluknate hi State Election Commission-ah an thlen ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More